丸十日本食堂 (已結業)

新都會廣場開左好多新嘅餐廳，今日難得同男友黎到葵芳行街，順便食埋晚飯先回家。見到餐廳門外有人龍，知道一定係唔會伏🥰等左一陣就有枱。餐廳嘅日本菜有別於其他，大部份都帶有自家特色。「自家製明太子玉子燒」，每一塊玉子燒都伴有濃濃嘅明太子，食落啖啖明太子，好正！「瞬間燻製三文魚他他」，開始時用一塊薄薄嘅紙密封玻璃瓶；打開後會見到一縷縷青煙從瓶中飄出黎，三文魚會有一股被煙燻過嘅味道，非常特別。「三文魚牛油果壽司漢堡」，三文魚及牛油果被上下兩塊米餅包裹，非常有趣嘅食法，我哋都覺得好食過一般嘅三文魚牛油果壽司！「丸十彩虹卷」，每一個飯卷都有各自嘅特色，好似食嘅卷物拼盤咁，同一碟卷物，但食到6種不同嘅享受。「鐵板燒日本南部地雞」，用鐵板燒嘅形式去烹調，令到雞蛋好香脆，而且味道十分濃郁、惹味！「松葉蟹魚籽丼」，滿滿嘅松葉蟹肉及魚籽鋪滿碗，而且仲有2隻蟹鉗，食落啖啖肉！飯+蟹肉+魚籽，非常有口感！餐廳環境都坐得好舒服呀，係一間非常唔錯嘅餐廳，抵讚！而且衛生乾淨，很好！