醉豬手: 酒味較淡但係幾入味. 豬手爽口, 同個汁配合得唔錯.
上海酸辣湯(少辣): 真係少左辣, 連平時完全唔食得辣既我都食到. 湯底味到唔太濃唔會太刺激, 又幾足料.
小籠包: 餡料唔錯多肉汁. 但係包皮略為太厚. 
麻醬雞絲粉皮: 粉皮好渦好薄. 麻醬濃淡適中. 整體配合幾好.
蒸銀絲卷: 非常軟屬, 甜甜地, 餸D有汁既餸就仲正. 
上海春卷: 皮唔係好夠脆, 但係味道都OK.
紅燒元蹄: 豬手好大隻好多肉, 又煮得好腍, 唔使點用力都切得開. 肉質夠腍又好入味.
賽螃蟹: 蛋白好似撈左D帶子肉落去, 炒得幾滑, 味道唔錯. 硬係食掛左D賽螃蟹係有隻蛋黃俾你自己撈既, 呢碟冇又好似差咁D野.
豆沙鍋餅: 豆沙餡就好足料, 仲必晒出來, 但係個皮真係太硬, 口感麻麻. 
發現好多人話新裝修之後食物差左, 我反而覺得剛好相反係好食左喎, 可能我今晚好彩個大廚出左真功夫啦.
