御滿屋日本料理

营业中

休息中

冇晚市堂食之下，食日式放題唯有揀中午時段，好耐之前嚟過呢度食，發現佢哋重新裝修，地方比之前感覺更寬敞，更光猛，午市有三款套餐，我哋揀咗最經濟嘅A套餐。自取食物位置擺設精美，泰式鳳爪同橋頭都係我鍾意嘅小食之一。先點刺身，帶子刺身夠新鮮亦夠大件；赤蝦個size有驚喜，亦好鮮甜；油甘魚劍魚腩都有水準。蠔壽司都幾吸引，蠔味亦算濃；花膠湯係另一個有驚喜嘅菜式，花膠直情有一隻手掌嘅size，煮得亦算入味。和風牛肉同串燒牛脷都係必點嘅款式，果然冇令我失望。因為中午時間都唔敢飲咁多啤酒清酒，之後開返晚市堂食一定要再嚟又食又飲。