稻香 (已結業)

今日同男朋友過泥荃灣行下街。星期日既荃灣真係人山人海。四圍都好迫～～囧搵個地方地下野坐下先。見到稻香吾洗排隊，2個人可以即入，就去食！一入到門口發現有新裝修，燈光好光猛，而且換哂一套新既茶具，感覺好新鮮，高檔左！點心紙都係全新既，甘當然應該價錢都貴左少少啦我地叫左以下點心燒賣：呢個吾好食，又吾夠熱，應該係蒸完就甘熱住叉燒腸：換左新既碟，好靚，腸粉算滑同熱素鵝：都算大份，我覺得炸耐左，有點硬口水雞：都有半邊，只係加啲四川辣醬，好普通無特別馬拉卷：呢個熱辣辣！好好食豉汁蒸鳳爪：有5隻，賣相幾好，食落吾係淋pat pat既，夠熱，好食 呢個稻香裝修左環境好左，茶具餐碟都靚左。雖然都吾夠員工，要等好耐先有人應，不過都nice，食物價錢平民化，都好食！