必勝客 (海聯廣場)

营业中

休息中

好耐無黎食pizza hut，原來裝修後變成自取店，自己落order同拎餐，節省左人手又免左加一，都算係雙贏局面嘅。一班人叫左幾個餐都好多野食，但成班餓鬼咁根本無機會影到相，哈哈，叫做“係咁二”影到少少啦。超級夏威夷大批，等左差不多二十分鐘，咁即刻烘起又熱又脆好難唔好食嘅，勁多芝士，正吖。錦繡至尊批，不容易先搶到一塊，哈哈，好多肉嘅款式。三文魚誘惑手藝薄餅，出左新野就梗係試下啦，個批底好鬆軟有啲似印度酥餅，醬汁係蜜糖芥末又幾特別，上面有煙三文魚，cream cheese，火箭菜等，有鹹有苦有甜超豐富味覺，夾埋一齊幾好食，有下次！pizza外的其他野食，薯蓉同雞翼都好味，意粉一般。一人夾百零蚊，lunch time黎講都幾豪㗎啦，呵呵，呢間分店即叫即整熱辣辣，店員又有禮，唔錯唔錯。