Plato Cafe & Bistro (Mikiki)

之前喺佐敦分店食過，覺得唔錯，今日過嚟佢得，順便穿過airside去mikiki商場覓食。今次叫咗個晚市二人餐，性價比真係好高！全部嘢都好好食，職員服務態度又好，主動幫你收碟同埋斟水。🍽️🍽️精選二人套餐是日餐湯：南瓜湯🎃田園沙律🥗🐚前菜：蒜片白酒煮蜆蜆肉大粒又新鮮，而且煮到好入味😚🍛波士頓龍蝦龍蝦汁意大利飯呢個飯真係超正，每一啖飯都充滿龍蝦汁嘅香味，龍蝦蝦肉🦞都好新鮮彈牙。🐖主菜：德國脆皮咸豬手等咗成30分鐘以上先整好，但係超正！嗰層皮真係超級脆，肉質煙靭帶鹹香，點埋個特製嘅蛋黃醬仲好味😋。🍰是日精選甜品：芝士蛋糕蛋糕賣相唔錯，味道都係好濃郁嘅芝士味。套餐追加飲品嘅話所有正價飲品🍹半價，點咗我最愛嘅🍵抹茶鮮奶，抹茶味好香又唔會太甜。🌟🌟食晒成個二人餐真係好滿足，仲有多款精選晚餐可以揀，依家做會員係mikiki店消費可使用兌換券兌換小食一客。