TC Bistro (已結業)

平時成日去 Mikiki 既餐廳食野，依家先知原來附近都有唔少餐廳質素係唔錯既。七點半，見到餐廳內幾乎座無虛席，就跟風入去試下先。食物款式都幾豐富，我就選擇咗香煎三文魚配牛油果芒果莎莎作為我今晚既主菜，加錢可以轉套餐，會額外再有沙律，湯及飲品。呢度嘅湯幾特別，有少見既紫薯湯。色澤係好靚既粉紫色，紫薯味道唔算重，似平時既忌廉湯。草莓沙冰係充滿少女情懷既粉紅色，味道香甜，冰涼透心，絕對係消暑良品。主角出場，三文魚啖啖肉，外皮煎得香脆。而配菜薯泥亦相當出色，有香甜濃郁既奶香，口感香滑，濃而不膩。下次會想試埋呢度既威靈頓牛柳！