海膽仔

营业中

休息中

去完附近攀石場玩，想食日本野所以㨂左海膽仔，就腳又容易搵！運動完好肚餓，叫咗勁多野食🤪🦪日本仙鳳趾生蠔之前試過一試難忘，估唔到海膽仔都有日本來貨！前菜係生蠔，富海水味而超級creamy，而且巨型到可以分兩啖食🌟倍化帶子吞海膽 由紫菜包住開半珍寶帶子，夾埋海膽，成粒食口感一流，而且鮮味。珍寶帶子係我最愛，厚身而肥大❤️🐟新鮮日本直送秋刀魚 新鮮先可以做到刺身，另一種食法就係燒秋刀魚，我哋就叫刺身，師傅刀功十足，魚肉起出黎好分明，食落似白魚果種清新，帶啲鮮甜味。未試過刺身食法，個人覺得唔錯～🦐赤蝦壽司赤蝦新鮮而啖啖蝦肉爽口，值得叫！🍣火炙左口魚邊壽司油脂適中，烤香魚嘅表面，入口則溶🍱黑松露燒油甘魚當飯黑松露味好香，配埋燒油甘魚粒係面，容易入口，魚香味好重，一濃一淡配搭得適度好處🈵