餐廳裝修都好新淨，但係張枱唔算好大，嘢食就要親密啲～
鵝片拼盤（雙拼）（拼滷水牛𦟌）（$228）
鵝片同牛𦟌嘅份量都好多，滷水唔算好濃味，可以襯托出肉嘅鮮香
鵝片味道都夠濃郁，切片係一口份量，可以同時食到肥同瘦嘅部份， 十分滋味
牛𦟌就中規中矩，煮得夠淋，中間都有啲筋，增加口感
我就比較喜歡蘸酸汁嚟食，會更開胃
蠔餅（$98）
呢款蠔餅賣相都幾靚，個餅底比較好，口感比較實在。
蠔仔嘅數量都唔少，要趁熱食先食到嗰種鬆脆嘅口感。
特色鹽香沙薑雞（半隻）（$88）
沙薑雞一上碟都非常經驗，擺盤好靚，有埋裝飾花啱曬打卡。
雞嘅黃油都好充足，肉質較實淨，都蒸得幾香，雞胸雞背各有特色。
脆炸牛奶卷（6條）（$58）
個人最喜歡嘅一味，牛奶卷外脆內軟，
外皮酥炸得嚟，有種食麵包嘅鬆化口感，
而牛奶餡調味都幾適中，唔會太甜，又有奶香
宮庭蘿蔔（$48）
呢款小食嘅擺盤都好有氣派，完全睇唔出係蘿蔔。
醃蘿蔔都有心思，除咗有好香嘅醋味之外，
仲用咗啲生抽、蒜同辣椒嚟調味，都幾惹味。
無糖可樂兩罐（$28）
最後當然要飲吓可樂消消滯，市面都比較少見百事無糖可樂，都幾特別。
