Plato Cafe & Bistro (Mikiki)

今日同朋友去咗新蒲崗MIKIKI搵食,新開又靚靚既CAFE,同朋友一入內待應有禮安排坐位,餐廳內裝修本人很喜歡係灰色配藍色,好有希臘FEEL,先嚟睇睇餐牌,都夠多選擇,重點甜品有我喜歡既窩夫配雪糕,先嚟點個套餐煙肉卡邦尼意大利粉,同埋澳洲肉眼牛扒,待應先上個田園沙律,簡單清新,意粉既卡邦尼醬汁，不太乾也不太濕，剛剛掛汁,欣賞!面頭既煙肉夠香口脆脆的,美味!配埋個日式天婦羅魷魚鬚,一上枱份量都大大碟,濃郁又淡淡既海苔味魷魚鬚配上椒鹽,好美味可口!之後上埋個澳洲肉眼牛扒,要咗7成熟,牛扒厚度適中,肉質夠嫩口,點埋個醬汁好豐富既口感!美味!仲有配埋個焗薯!最後點埋個甜品,香蕉朱古力牛角窩夫配朱古力雪糕,上枱後個賣相相當吸引,啱晒打卡,仲有兩個可愛既哈哈笑公仔,窩夫外脆內軟，配上香蕉和朱古力雪糕，可可味濃，味道香甜!整體很滿意,店內人不多,不會太嘈,同朋友傾傾計食飯最好!