好好川味 (已結業)

其實新蒲崗有好多美食，眾所皆知有一間享樂烘焙，肥仔銘同一間上海菜。不過今日同朋友試左一間四川菜－好好川味。門口唔係太起眼，但餐廳食物價錢好抵，一道菜平均$60-70，份量亦多。除左四川菜之外，餐廳亦有一般港式大排檔既食物。餐廳有免費老火湯🥰- 招牌酸菜魚我地叫左小辣，湯底有好多乍菜，所以味道夠酸。魚片份量好多，另外仲有豆卜、蔥花等配料。- 干鍋菜花椰菜花口感爽脆，加上辣椒令椰菜花味道香辣。入面仲有豬肉片😋- 醬爆翠肉瓜雞柳翠肉瓜好大件，味道爽脆清甜帶少少辣。雞柳亦炒得幾香口。以上三款菜式都唔算太油膩，價錢絕對划算。