海膽丼 $168
強烈建議大家一定要嗌！！ 海膽份量十足，肉質肥厚，非常鮮甜。海膽入口即溶，配飯定紫菜都咁好食🤤。
松葉蟹雙重丼 $128
一碗有齊松葉蟹蟹鉗🦀、蟹肉、蟹籽同蟹膏，啱哂鐘意食蟹既👧🏻！紫菜包住壽司飯，放上蟹膏同蟹肉，一啖食落口，蟹既鮮甜係口腔爆發，真係大滿足阿！
明太子雞翼兩件 $28
新鮮炸起熱辣辣，外皮香脆🍗！雞翼拆骨後，入面包住滿滿既明太子雞肉，非常足料！
厚燒鰻魚串 $28
鰻魚燒到外皮焦香，邊位脆脆地，非常香口。魚肉厚身，有咬口，唔會過份軟腍，醬汁既甜度亦調得恰到好處，食落有滿滿嘅幸福感😍！
魷魚鬚 $18
串燒魷魚鬚外型好有趣，師傅將每條魷魚鬚卷成圓形，方便食客享用。魷魚鬚質地爽脆，鮮甜多汁😋。
和牛粒 $38
燒到熟度剛好，肉質軟腍👍🏻！
熔岩海膽魚餅 $38
即叫即炸熱辣辣既海膽魚餅，一咬落去，入面係滿滿既流心海膽😍！魚餅質地彈牙，裏面係甜甜地既流心海膽，非常有驚喜！
提子味梳打 $10
唔會太甜嘅提子味梳打好好飲🍇
除咗刺身壽司之外，大家都可以試吓食串燒同小食，質素不錯🥰！
📍 海膽仔 (新蒲崗)
新蒲崗衍慶街2-32號新蒲崗大廈地下Q號舖
