影片
更多
2005-01-14
5 浏览
生日正日工作超忙, 行唔開, 只好與老公在灣仔區食飯.心血來潮去搵聲哥, 呢度總廚聲哥是前度XX大學校友會總廚, 又係"自己人"(潮州), 煮野有一手.唔係食左太多貴野, 不過地方夠清靜, 幾好坐:1. 例牌叉燒- 比較「林」、幾鹹下2. BB鴿- 好脆口, 食慢d都「林」哂呀3. 老公最愛腐皮卷- 唔係好足料呀, 而且好貴, 6條$60, 睇來呢度d點心麻麻4. 生日就梗係要食下壽包, 半打迷你壽包$18 - 普普通通, 不過侍應醒目, 識拎個蓋比我地住, 慢慢食.5. 馳名聲哥糯米飯- 夠乾身, 軟硬適中. 原本想叫一碗, 後來都係叫一碟, 可以打包嘛!今晚得4檯, 我地2人都有窗邊位, 望住維港景, 消費又唔貴, 氣氛冇壓力, 幾舒服o架~服務就比較慢同埋騎呢左少少, 見我地影相又r哂頭咁, 但不算不禮貌, 只係唔熟d菜名o者.
心血來潮去搵聲哥, 呢度總廚聲哥是前度XX大學校友會總廚, 又係"自己人"(潮州), 煮野有一手.
唔係食左太多貴野, 不過地方夠清靜, 幾好坐:
1. 例牌叉燒- 比較「林」、幾鹹下
2. BB鴿- 好脆口, 食慢d都「林」哂呀
3. 老公最愛腐皮卷- 唔係好足料呀, 而且好貴, 6條$60, 睇來呢度d點心麻麻
4. 生日就梗係要食下壽包, 半打迷你壽包$18 - 普普通通, 不過侍應醒目, 識拎個蓋比我地住, 慢慢食.
5. 馳名聲哥糯米飯- 夠乾身, 軟硬適中. 原本想叫一碗, 後來都係叫一碟, 可以打包嘛!
今晚得4檯, 我地2人都有窗邊位, 望住維港景, 消費又唔貴, 氣氛冇壓力, 幾舒服o架~
服務就比較慢同埋騎呢左少少, 見我地影相又r哂頭咁, 但不算不禮貌, 只係唔熟d菜名o者.
张贴
