仁芝初 (已結業)

今日有朋友過嚟紅磡黃埔呢邊同我食晚餐，食完之後想搵間糖水舖再繼續傾吓偈，發覺原來呢度開咗一間新嘅糖水舖，就即刻衝過嚟食，結果都幾滿意。可能始終新開，冇乜人，加上係平日夜晚，不過店員都十分之有禮貌，而呢度嘅冷氣亦都非常足夠，外面熱辣辣都唔驚，就算食熱糖水都冇問題。我覺得一定要點嘅，就係佢哋個冰花燉蛋，好香蛋味，而且好滑，可能我自己心目中成日都以為自己唔鍾意食凍嘅甜品，所以一食呢個，真係有被wow到，好好食，口感好細膩。