Mango Tree Café (已結業)

行過見到有位裝修又幾靚，一行三人入去試試。晚餐限時90分鐘。叫左串燒豬撈麵，有小小辣，味道幾好，不過炸雲吞凍左好硬好韌，要儘量趁熱食。蝦多士幾脆幾好味鍾意上面加埋芝麻好香啊～烤雞睇落好靚，個皮都幾脆，可惜入面無咩味，完全係要靠點醬先ok...有d 失望。雜菇炒秋葵，無咩特別。泰式鴛鴦幾好味，茶味雪糕入面有碎冰，都係奶茶冰，唔會愈飲愈淡。泰式奶茶紅豆冰都好味好creamy 好邪惡！！！總括環境唔錯，幾啱一班人嚟gathering 聚會。嘢食不過不失，而泰式奶茶系列嘢飲可以一試！