2DP (已結業)

近排食得太多肉，咁就同朋友一齊嚟到尖沙咀呢間餐廳到食齋， 入面環境都唔錯，因為我鍾意一啲餐廳燈光較強， 起碼影相我時影得靚啲。 咁因為呢一餐係輕食，所以我哋叫咗以下:韓式泡菜素煙肉卡邦尼意粉: 裏面有泡菜、韓式辣醬、素煙肉蛋黃洋蔥同蕃茄醬， 咁其實入面啲肉都幾似食緊嘅煙肉，而且呢個意粉亦都唔算太辣，個texture亦都唔差，所以我都幾鍾意呢個意粉。牛肝菌肉碎寬條麵: 裏面有牛肝菌、雜菌、素牛肉碎、同蛋及奶油忌廉。 咁其實呢個係我朋友order嘅，咁其實我試咗幾啖，佢啲碎牛肉真係幾似真實嘅牛肉，當然食落去有齋嘅味道，而且佢個味道我覺得有幾香嘅菇味，所以食落整體都fine。蜜瓜牛乳刨冰: 整個蜜瓜都有一至兩人份量，粒粒蜜瓜容易入口，刨冰是用北海道牛乳，冰碎幾幼滑及香甜牛乳味。 食完我覺得幾消暑清熱。如果大家都鍾意食齋或者試下一啲新嘗試嘅話大家可以試下呢間餐廳， 因為我覺得佢整啲嘢都幾好。