Espresso Alchemy (美麗華廣場1期) (已搬遷) 新店位置

平時黎美麗華都只係上食四方，個fd話地庫都好似有間，所以諗住落去睇下。因為唔算好餓，我地一人叫左一個輕食。我就叫左個黑松露雜菌意粉，個fd叫左個牛奶咖啡西多。先講下個意粉，用料好足！食同聞都有好重既黑松露味，而且D雜菌同意粉既份量差不多，好香呀！仲有既就係佢係好熱咁上架！熱辣辣既食物係最好食既！fd叫既西多同expectation好唔同原來係牛奶同咖啡既多士feel西多，食落好脆口，做到外脆內軟，不過咖啡味就唔係太濃，如果可以有濃D既咖啡香就好。我最後再叫左個抹茶latte, 呢個好飲！先係拉花靚！然後抹茶味好重！感覺無好多糖，奶味都調得剛好！所有野洽到好處！open形式既餐廳，環境令人坐得好舒服。