今晚就去呢間既木系cafe
小店經營就是有一種溫馨既感覺
4
9
呢間小店 無論主食定飲品都好有特色
主打多款創意特色咖啡
包括陳皮美式咖啡、桂花冰波拿鐵、
當歸拿鐵、椰子水咖啡
之前仲有推咖啡放題添
喜歡嘆啡既我 今次夜晚黎就無飲啡喇
下次放假真係要黎chill下啡先
//慢煮和牛牛小排烤牛骨髓 $166//
(明太子 +$8，米飯，明太子玉子)
牛骨髓烤香後油香十足
入口即溶 每一口都係咀嚼緊牛脂香氣
表層再灑上了炸蒜 增加口感
除左牛骨髓之外 仲有慢煮和牛牛小排
牛小排牛味濃郁入口軟淋 食落口仲好Juicy
呢個set鍾意食牛既朋友一定會鐘意
另外加錢加配明太子 送飯一流
熱愛明太子既我 再加多個明太子玉子燒做小食
日本蛋係特別好食 入口順滑
食到濃濃蛋香
而且師傅精緻手勢逐層卷好的玉子咬落有層次
再配上特製明太子蘿蔔蓉
令整體味道更香更味美
//慢煮厚切牛舌芯 $128//
(米飯，醬油漬大根)
舌芯呈粉嫩色 厚切牛味濃
牛舌熟度適中 入口爽口彈牙
配上醬汁令牛味更加突出
另配醬油漬大根
口感爽脆 醬油味出
酸酸甜甜十分清新開胃
