燒洒一族 (顯徑街市)

营业中

休息中

燒洒一族近年多左好多分店，得過南昌就決定帶佢地既招牌西式燒味返屋企，點知見到佢地既冷盤酒醉系列出左新包裝，店員仲話好味左，所以決定放棄燒味了。買左5款包括溏心蛋，豬手粒，雞中翼，雞腎，雞卷。完全有失望呀，酒味真係好濃，而且樽蓋變到好方便，平時晚餐加餸就靠佢。雞翼同雞卷都夠入味，豬手就口感超好，感覺勁多膠原蛋白，我自已就成日食腎片，一樽夠分2餐，真係好扺食。屋企老人家話好入味，超鐘意食，好耐冇食過呢類。建議大家雪櫃拎出黎就食，唔使加熱。