色彩泰國菜

营业中

休息中

新田色彩泰國菜午餐真係好抵食，性價比超高，餐廳裝修明顯抌本，環境好有泰國風情，最吸睛係佢哋嘅泰國車廂VIP房，設計得意又特別，坐入去真係好似去咗泰國咁，打卡一流，而且仲係寵物友善餐廳，帶埋毛孩去都得，門口仲有勁大空位免費泊車，揸車去超方便。食物方面特別推介冬陰功蠔仔湯飯，湯底香濃酸辣夠正宗，蠔仔鮮甜冇腥味，份量十足，仲有泰式牛肉船麵，湯底濃郁，牛肉嫩滑，麵質彈牙，味道正宗。員工服務態度好好，笑容滿面，上菜速度又快，可惜嘅係佢哋冇分店，想食就要專程去新田，不過絕對值得，整體來講呢間泰國菜無論環境、食物、服務都令人滿意，係一間會令人想再encore嘅餐廳，推介俾鍾意泰國菜嘅朋友。