M3 Italian (已結業)

今天同朋友去大圍的M3 Italian行入去環境裝修都好有西方特色，鍾意飲酒嘅人，呢度都有幾多選擇，仲有生啤。如果鐘意同廚師傾計，可以選擇坐bar枱。今次点了二人餐，首先選了兩款湯，分别是帶子龍蝦湯，黑松露野菌忌廉湯。龍蝦湯 幾 creamy ，龍蝦味夠濃👍 至於忌廉湯，有黑松露嘅香味，飲落去淡淡野菌味，也不錯。跟住是頭盤，四選二。第一款係西班牙辣肉腸炒花甲蜆，隻隻大粒，以頭盤嚟講，份量都唔少，新鮮，粒粒爽口，簡單清炒，帶少許辣味，配炸香嘅蒜片一齊食，不錯👍。第二款是北海道帶子配凱撒沙律， 帶子大細適中又有鮮甜味， 配上新鮮沙律菜加上清淡嘅沙律汁，幾開胃。主菜是三選一，先揀了炭燒美國肉眼扒，賣相不錯，切落去好腍，廚師煮到我要求嘅7成熟，不論有冇加黑椒汁，都一樣好味。次選了香煎鵝肝牛肝菌意大利飯，鵝肝煎得好香，厚身，雖然不是入口即溶，有少少咬口，但感覺仲好，意大利飯煮得啱啱好，不會太軟，又不會太硬，每口飯連牛肝菌放入口裏，夠野味👍另加埋個甜品拼盤，焦糖燉蛋，每一匙有脆卜卜嘅糖漿，配滑滑嘅燉蛋，不太甜，味道剛好，雪糕配窩夫，窩夫外皮脆，淋朱古力醬，再加雪糕一齊食，味道不錯，最後是朱古力蛋糕