緣來素食 (已結業)

以前食新潮齋只會去大自然素食，但自從元朗開左呢間緣來素食後，我地都已經無再去大自然素食啦。雖然呢度坐位少，只可以坐到大概15-20人，而且座位與座位之間都無咩空間可言，但每到weekend都有好多人去幫襯，証明佢既食物係有吸引力啦！我地一睇個Menu，有d suprise，因為同普通既中菜館既menu無咩分別，既然講到好似咩都做到咁，於是我地就點左4樣野黎食。蒙古羊肉串: 味道像真度好高，完全唔似食緊素，好驚喜呀！配埋個沙嗲汁，真係好似真係食緊羊肉串咁，我地兩個好快手就KO左呢碟驚喜羊肉串啦！雞絲粉皮: 以一般食法，理應用麻醬去伴食的，但呢度用了另一個開謂的醬汁，好彩味道不錯，可惜沒有我地所期望既麻醬，確然係有少少失望。豆腐: 已經唔記得叫咩豆腐，只記得份量超大，豆腐與豆腐之間夾了齋肉片，味道較為清淡，但如果無3-4個人食的話，就唔好叫呢個菜啦！生炒骨: 先說造型，佢地係「排骨」中間加了一豆腐乾做「骨」，確實令到賣相吸引好多，抵讚。再試試味道，甜酸度有至，不會過酸或甜，送飯確係首選，當然，份量亦都係好大，食唔晒我地唯有打包拎返屋企了。服服: 其服務態度亦算不錯，只是有時伙計有點生手吧！