影片
更多
2021-06-10
32 浏览
今日黎到銅鑼灣時代廣場附近嘅新式大廈Zing食潮州菜Shining，呢度係餐吧形式，西式格局crossover中式潮洲菜，淨係環境黎講都非常驚喜。呢度由星級主廚主理，其他廚師都係潮洲人，所以菜式都好正宗。我哋叫左個二人套餐，另外side order左一個九品味。九品味 $268九宮格嘅擺盤本身已經十分吸睛，九款唔同嘅小食，建議由酸菜蘿蔔開始食，好開胃！另外極力推介芥末雞腳筋、清酒秋葵同埋兩味滷水。雞腳筋配黃芥辣呢個配搭真係估唔到咁夾，而且唔似雞軟骨咁要用力咬，但又食到爽脆嘅口感，偏好濃味嘅我大讚！清酒秋葵，我本身唔太中意果種起潺嘅口感，但相信係用清酒煮嘅過程僻走左啲潺，酒味唔太濃，啱啱好。滷水兩味都好入味，明顯師傅落足香料同心機泡製，亦唔會覺得好鞋口或者韌，出色！二人套餐 - 威士忌酒香鵝肝呢道菜亦都係全晚嘅主打之一，影相拍片一流！店員話個波波同入面啲煙大概1-2分鐘就會散，然後就可以將啲食用威士忌淋上鵝肝度。因為佢係食用威士忌，比平時嘅威士忌相對無咁重酒嘅味，但依然有果陣威士忌最signature嘅煙薰味。鵝肝本身諗住會比較heavy，但伴隨威士忌嘅味道，又變得好易入口，而且無左平時
今日黎到銅鑼灣時代廣場附近嘅新式大廈Zing食潮州菜Shining，呢度係餐吧形式，西式格局crossover中式潮洲菜，淨係環境黎講都非常驚喜。
呢度由星級主廚主理，其他廚師都係潮洲人，所以菜式都好正宗。
我哋叫左個二人套餐，另外side order左一個九品味。
九品味 $268
九宮格嘅擺盤本身已經十分吸睛，九款唔同嘅小食，建議由酸菜蘿蔔開始食，好開胃！另外極力推介芥末雞腳筋、清酒秋葵同埋兩味滷水。
雞腳筋配黃芥辣呢個配搭真係估唔到咁夾，而且唔似雞軟骨咁要用力咬，但又食到爽脆嘅口感，偏好濃味嘅我大讚！
清酒秋葵，我本身唔太中意果種起潺嘅口感，但相信係用清酒煮嘅過程僻走左啲潺，酒味唔太濃，啱啱好。
滷水兩味都好入味，明顯師傅落足香料同心機泡製，亦唔會覺得好鞋口或者韌，出色！
二人套餐 - 威士忌酒香鵝肝
呢道菜亦都係全晚嘅主打之一，影相拍片一流！店員話個波波同入面啲煙大概1-2分鐘就會散，然後就可以將啲食用威士忌淋上鵝肝度。
因為佢係食用威士忌，比平時嘅威士忌相對無咁重酒嘅味，但依然有果陣威士忌最signature嘅煙薰味。鵝肝本身諗住會比較heavy，但伴隨威士忌嘅味道，又變得好易入口，而且無左平時香煎鵝肝嘅肥膩感。
二人套餐 - 金牌滷水獅頭鵝肉
鵝肉我一直印象都係比較鞋口，而且覺得脂肪較多，但呢味菜絕對無呢兩個問題！唔肥得黎仲好夠味，同九品味果兩味滷水一樣，無論香料定係烹調都食得出係落重心機，好有誠意。
二人套餐 - 脆炸拼盤配黑松露醬
呢個拼盤分別有三樣嘢，炸蝦、炸薯條、炸南瓜蓉。令我最意外嘅係炸薯條，師傅落左非常恰當嘅黑椒鹽，香口得黎唔會太鹹，配埋黑松露千島醬好完美！
二人套餐 - 上湯時蔬
值得讚嘅係上湯唔係味精湯頭，菜嘅鮮甜味好出！
二人套餐 - 明爐老火湯
呢個係冬瓜蘿蔔煲雞腳，飲得出冇味精，飲完唔會口乾。因為有雞腳，好漿口，啖啖骨膠原！
店員話每晚十點黎就會轉返格局，燈光調暗，再配搭射燈，另一種感覺。希望疫情過後有機會試埋佢嘅drink menu入面嘅cocktail😋
呢度地段都算方便，時代廣場行過嚟5分鐘左右，臨近鵝頸橋。而且餐廳出面仲有個露台，拍拖或者朋友聚會都非常適合！
张贴
