味滿

营业中

休息中

香港唔係好多地方有得食豬心粥，因為應該好多香港人都冇食過，就算聽過都唔敢食，但係我個人真係好鍾意食，因為有好好嘅口感，非常有趙口，所以當我發現天后呢間粥店有得賣嘅時候，就即刻約咗朋友過嚟試吓。呢度嘅裝修算新式，地方光猛，每張枱中間都唔會坐得太迫夾，確實係粥店嚟講算係坐得好舒適，員工亦都個個好有禮貌，入到嚟已經有一種家嘅感覺。呢度個豬心粥冇令我失望，粥底夠綿，唔唔需要落胡椒粉，都已經好夠味！我都趁機會推介左朋友試豬心，佢都話完全冇內臟味，比想像中好味好多！蘿蔔牛腩炆得好入味，個汁屬於濃味，不過唔慣食肉嘅我，食咗幾舊就已經飽咗一半，所以都要即刻留肚俾我清個豬心粥。朋友叫咗雲吞撈麵，個雲吞皮好薄，佢都話好好食。另外都叫咗個韭黃鮮蝦腸，好耐冇食過啲咁爽口嘅蝦，加埋腸粉皮都好滑，又係秒清！呢度嘅質素真係食返細細個粥店嘅味道！