Hidden Table (已結業)

行過紅磡呢度出名多野食，呢間舖頭係好突出既橙色設計，原來食燒賣既，我點左兩個炸燒賣，分別係黑松露豬肉燒賣同埋日式大阪魚肉燒。佢啲燒賣既特式就係有不同醬料去配搭，黑松露豬肉燒賣有黑松露係上面，仲有個醬去點，非常濃郁，個豬肉燒賣都好爽脆呢，而大阪魚肉燒賣就配上大阪燒醬汁同木魚片，好有風味。仲點左Shake爆卷卷薯條紫菜味同經典炸饅頭，薯條粉量都幾多，好大一碗，即叫即炸熱辣辣脆卜卜，好正，炸饅頭好少地方有得食，佢炸到外鬆內軟，仲爆多煉奶，個份量一啲都唔細。韓式青萍果梳打同炸野真係幾夾，好清新，解油膩。