潮丸 (已結業)

同事介紹話公司附近開左間食牛雜粉既鋪頭，今日終於去食咗見門面好新潮有別一般既牛雜鋪頭內裡裝修都好有格調午飯時段點粉麵飯都可以送一杯熱飲。我揀咗熱檸密潤一潤先另外見小食都好吸引樣樣都好想食有炸魚蛋、炸墨魚丸、炸魚皮、炸雲吞等等。不過比我見到鹵水豬大腸既時候就即時唔使諗叫這個，因為我平時都好鍾意食豬大腸但唔係間間都整得入味同好味。上到枱即食一件估唔到夠入味又腍唔肥。正天氣開始凍見有湯飯食就揀這個扎肉紫菜肉碎湯飯，一大碗好多配料切到細細粒可以大羹一啖有餸有湯有飯，熱辣辣食完暖粒粒超正。牛爽腩撈麵大大碟，腩肉一層肥一層肉好好味唔嚡