Dare (已搬遷) 新店位置

之前叫過呢個「和風牛柳粒飯配溫泉蛋丼」，今次經網上外賣平台叫，要$79。 首先，唔好睇少佢嘅份量。表面上得「幾粒」牛柳，實質食落係唔會覺得少。牛柳粒好香，算係幾淋，而且冇咩筋位，的確唔錯。 溫泉蛋嘅蛋黃係淺黃色嘅，所以應該唔係日本蛋，而係泰國蛋，但都算有蛋香；蛋汁撈飯，可以話係一流。 啲飯嘅份量適中。佢唔係用珍珠米，但係飯粒意外彈牙，好有咬口，而且有飯香。 配菜有豆同菇，整體嚟講偏鹹。菇有兩款，分別係雞髀菇同冬菇，不過不失，而且都算畀得多。唯獨係嗰燒汁冇乜特別，而且有蛋汁，所以我就冇乜落。