小點角落 (已搬遷) 新店位置

呢間位於旺角白布街新開左一段時間嘅cafe + 甜品店，今日終於有機會去試吓。裡面環境分上下有2 層，店員安排了我們2 人坐一張可以四個人嘅圓枱，所以坐得都算好舒服。午餐有Lunch set , 食物走fusion 路線都幾特別，整體味道也不錯👍🏻頭盤我哋叫咗：✨墨西哥蕃茄芝士脆魚皮✨山椒鹹蛋黃雞翼魚皮好脆，醬料又多，可以盡情咁點，個牛油果他他同埋蕃茄他他都好好味個鹹蛋金沙醬好正好邪惡但勁吸引😁主菜：🍀龍蝦汁海鮮意大利燴飯🍀椒鹽軟殼蟹明太子忌廉意粉我本身自己好鍾意食軟殻蟹所以見到餐單有就第一時間已經諗叫呢個😆果然冇令我失望，軟殼蟹炸到好香脆，明太子意粉亦都做得好好味。飲品：💫是日小調～ 柚子檸檬梳打杯飲品味道都OK不過跟餐飲品都要加錢+$18如果揀Menu裏面其他嘢飲呢就要正價計甜品： 汪AH 姐睇個外型就知成杯熱咖啡咁，所以有呢個名上面嗰球雪糕質地做得幾好，同埋裏面個奶凍都唔錯食起上嚟都好夾。