南越南咖啡廳

今次係二次到訪，估唔到隔離枱都係呢度回頭客，果然只有美食先留得住客人～而且呢度坐得幾舒服，三五知己一齊聚會都好岩！

今次點咗四樣野，都比較有人氣！

首先，越式惹味粟米條，是必推之選，簡簡單單但香味十足，小食Share 都幾岩！

而鍾意濃郁風味嘅，可以試下越式咖哩牛筋條配蒜茸法包，蒜蓉法包好香脆，估唔到同咖哩都幾配，可以浸一陣再食，口感又脆又軟，滿滿咖哩味，如果多d 咖哩汁就更好，而我呢碟牛筋比較多，都好腍！

另外，南越蟹肉醬配脆球餅，係冷盤黎既，都食到蟹肉味，酸酸地都幾開胃！