十十川滬料理 (已結業)

十十川滬料理係朗豪坊food court隔離，餐廳白色主調，配以淺木色嘅設計風格，見到門口就俾佢吸引到，內裡用上明亮白燈，白色雲石枱同淺木色嘅櫈，枱與枱之間唔會太逼，坐得舒服，而餐具用番傳統器皿，如竹籠等，新舊交替，非常有心意。.水煮魚米線麵餐 $88麵餐包括一個前菜、8款麵其中一款同黑糖豆漿，揀咗水煮魚米線，中辣度唔算太辣，但就好夠麻，食咗一片乾辣椒非常辣，魚片結實嫩滑，米線份量好多。京蒽大醬伊比利大酥肉配備長炭蒽油拌稻庭烏冬便當餐 $118大酥肉炸得好鬆脆，肉質彈牙，大醬味增味好夠，帶有微微甜味，烏冬撈咗蒽油唔會太咸，味道啱啱好，鍋貼皮薄，少少焊窿，口感唔錯。尖椒皮蛋$48皮蛋唔算係辣，適合怕辣人士，但如果連埋尖椒一齊食就會辣啲，適合番愛辣人士。酸菜魚湯小籠包 $58第一次見到有酸菜魚湯小籠包，所以就試一試佢，小籠包皮薄，餡都幾足，食落陣陣酸菜魚味，但唔會太濃。