優點心 (已結業)

之前係蘭桂芳經過都有留意呢間點心鋪, 蘭桂芳原來都有點心食😯今日放假係開呢頭，試下佢咩料先，咁岩又有人陪我食😬首先我地就叫左個紫薯玫瑰包, 賣相好吸引，粉紅色既包仲有玫瑰花瓣做點綴。不過餓得濟無影到相😅阿華田竹炭流沙 ～面頭有少少阿華田脆脆 流沙有好濃郁既阿華田味，幾特別～包都軟熟。日本章魚燒～細細粒不過食落都幾飽架，裡面墨魚十分有彈性。櫻花水晶🦐餃, 大大粒，晶瑩剔透， 有好香既蝦米味，蝦餃蝦味更昇華。再來個人參小籠包補補佢, 個湯清清地 但都ok好飲，喜歡飲湯的我幾喜歡。破格點心都試得過，樣樣食落都唔錯，係好好既嘗試