Mimila (已結業)

Mimila係新派馬來西亞麵店，主打麵食。餐牌簡潔，選擇唔太多，叫店員推介，都係會重點介紹【馬來辣蝦湯麵】手切海蝦加通菜，海蝦肉質唔係特別彈牙，但味道好甜。精髓係個湯底，聽聞係熬足6個鐘，唔怪得知咁正！【咖哩喇沙牛肉湯麵】美國肥牛加魚片，湯底好香咖哩味，夠濃郁。麵類可以揀油麵、米粉、河粉、銀針粉、檬粉同摻摻，最特色當然係摻摻(米粉加油麵)，兩種唔同口感，好得意！【馬來奶茶】平時飲開港式奶茶，嚟到南洋風麵店，唔係唔試呀！？茶底係馬來西亞紅茶葉，又係另一種風味。