韓國釜山海鮮鍋

平時都會行開銅鑼灣。今日就見到應該係新開既（因為好似仲執緊個地方）韓國菜。價錢唔算貴（今時今日黎講性價比算高）。$398一個海鮮鍋。真係足料。個蟹真係不得不大讚。但其他海鮮都一D唔差。包括鮑魚，虎蝦，帶子，青口，大蜆，墨魚等。。。款款鮮甜。加上左韓式既辣味。真係連湯都可以飲哂。之後加左個紫菜飯同牛肉餅。其實已經好滿足。仲有好多野都想試。雖然暫時見到就唔多野食。但應該都要黎多幾次先試得哂D野。呢度絕對係可以返轉頭既餐廳。