紫荊閣

今日同同事去左新開嘅紫荊閣飲茶過個happy Friday, 佢開喺間新酒店裡面，裝修簡單又幾舒服，可能新開啦，暫時唔算好多人知，所以未係好滿場。

飲茶蝦餃燒賣叉燒包雞扎必食㗎啦！同事話燒賣好食噃，唔太肥，好有豬肉味。呢外三款就正常啦。

全枱最吸晴嘅就係有粒星星好似龍珠咁嘅千層糕，記得以前細個喺敦煌酒樓食過，佢地執左之後就冇見過有得食了。個千層糕真係好厚身，食落去奶黃好香又唔會死甜，夾住漏油咸蛋黃同脆卜卜糖冬瓜，忍唔住要即刻叫多籠！

另外重食左個柚子蜜蛋散，大大份都唔錯。

重有，佢地d茶都幾好飲，比連鎖式嘅酒樓清香啲。

我諗我會為左個千層糕再嚟食😎😎😎。