影片
更多
2018-08-28
316 浏览
每逢同D朋友去大排檔或者叫小菜食, 有幾隻菜我幾乎係必點, 原因係佢地實好好送飯, 三色蒸水蛋喇, 肥牛粉絲煲, 仲有肉餅, 唔知有無人同我一樣呢?___________________________🔹金沙黃金肉餅 $69熱辣辣嘅肉餅配上一碗飯，諗起都正! 傳統肉餅都係加梅菜, 鮮魷去蒸, 今日食呢間肉餅專門店佢就將肉餅既味道發揚光大, 佢每款肉餅除左可以蒸之外, 仲有揀煎肉餅.除左煮法落左心思, 佢仲有好多新奇有趣既配搭, 例如有果醬肉餅, 咖啡煉奶肉餅, 咖哩肉餅, 蝦膏肉餅等等等等, 幾十款選擇, 真係睇到眼都花!.不過歸根究底肉餅都係樣傳統美食, 加呢D新奇野之餘, 點樣先唔會令到佢又鞋又乾呢? 餐廳係呢方面都有做小功夫, 首先肥肉同瘦肉比例非常好，唔會好肥膩，又唔會乾爭爭, 食落仲有些少肉汁。另外, 肉餅要夠鬆軟就要啲肉剁得夠碎夠多次，雖然唔係咪真，佢餐牌上面寫平均每塊豬肉會打二萬六千八百幾次，不停係禁剁係禁剁，如果真係都應該係機打😅肉餅係鬆軟呢部分都合格，食落唔會好實！.之前食過既咸蛋蒸肉餅，通常都係中間大大一粒，然後每一啖都要就住就住咁分隻蛋黃，如果貪心啲，後面都會唔夠
___________________________
🔹金沙黃金肉餅 $69
熱辣辣嘅肉餅配上一碗飯，諗起都正! 傳統肉餅都係加梅菜, 鮮魷去蒸, 今日食呢間肉餅專門店佢就將肉餅既味道發揚光大, 佢每款肉餅除左可以蒸之外, 仲有揀煎肉餅
.
除左煮法落左心思, 佢仲有好多新奇有趣既配搭, 例如有果醬肉餅, 咖啡煉奶肉餅, 咖哩肉餅, 蝦膏肉餅等等等等, 幾十款選擇, 真係睇到眼都花!
.
不過歸根究底肉餅都係樣傳統美食, 加呢D新奇野之餘, 點樣先唔會令到佢又鞋又乾呢? 餐廳係呢方面都有做小功夫, 首先肥肉同瘦肉比例非常好，唔會好肥膩，又唔會乾爭爭, 食落仲有些少肉汁。另外, 肉餅要夠鬆軟就要啲肉剁得夠碎夠多次，雖然唔係咪真，佢餐牌上面寫平均每塊豬肉會打二萬六千八百幾次，不停係禁剁係禁剁，如果真係都應該係機打😅肉餅係鬆軟呢部分都合格，食落唔會好實！
.
之前食過既咸蛋蒸肉餅，通常都係中間大大一粒，然後每一啖都要就住就住咁分隻蛋黃，如果貪心啲，後面都會唔夠蛋黃。
.
今次賣大包，咸蛋黃蓉鋪滿左成塊肉餅，中間重有半隻咸蛋黃。望到佢油光閃閃，真係流晒口水。啖啖咸香，風味十足，真係好惹味好下飯。
.
肉餅係要左煎既，食落都幾香口，亦唔算好油。肉餅下面有少量生椰菜絲墊底，中和左肉餅嘅油脂，食落去好剛剛好，可惜椰菜絲唔夠多，多啲就好了。
.
唯一美中不足就係肉餅厚度唔係好夠厚，厚度就比一般漢堡扒厚少少。
.
仲有一個加分位就係佢既粉麵配搭都有好多，可以揀配白飯，白粥或者米粉。你亦可以加$2配菜飯或者油飯，什或加$3配出前一丁等。
张贴
