綠色素食份子 (已結業)

聽聞過黎間素食館好耐，今晚終於可以試下。到達時已完全過左晚飯時間，亦有多張吉枱，但服務員不太通氣，不能讓我們選擇位置而坐。內裝修精緻，看得出用了不少心機。二人套餐，要成$388, 仲要加一，非常唔抵。最後散叫。附送的茶壺雖然好靚，但茶是已沖好，內沒有茶葉。 羅素湯，非常好飲，味濃微辣，正。 冷豆腐配麻醬，豆腐好濃的豆味，好香滑，加上麻醬，必食。招牌沙律，內有青蘋果及西芹，菜新鮮，沙律醬亦不會太甜。 主菜馬素芝士焗素肉醬千層麵 ，非常有驚喜，必食之選，焗得好香口，完全像食大阪燒的感覺，內麵條一層層，咬感十足，燒汁加上芝士好野味，最驚喜係素肉，味道和口感完全不像是素肉。 清炒芥蘭苗，菜新鮮而且少油，正。不過不是餐牌所食為菜苗。