素菲亞 (安發大廈) (已結業)

今次已經係第二次黎Sofia, 剛好今晚中秋初十五，帶埋屋企人黎食素，地方又大又舒服，雖然六個人要分兩枱座，不過無損心情。一定要推介就係signature ：Tofu Hero 豆腐英雄。其實係炸豆腐黑松露芝士，切出黎重要係流心！正！不過豆腐味係少啲，反而好重芝士黑松露味😂雖然望落得舊炸豆腐，但係入面咁足料，加埋下面塊包同薯條（其實可以揀薯蓉），其實好飽架。紅咖哩魚黑糯米飯 - 好特別！首先啲泡泡就係紅咖哩啦😂然後講一講主角：兩塊魚塊，其實口感似似地魚，但又有啲似魚餅，都ok既有啲驚喜；另外個飯好濃花椒八角味，好南亞風情feel , 一啲都唔濟，另一個推介！黑松露茄子千層 - menu 話limited only 所以唔考慮太多就叫左，layers 真係好食既但係size真係...好細lol唔講以為係前菜，作為主菜係完全唔夠飽。最後加錢叫左甜品-blueberry cheese cake , 最好食系隔離粒「馬卡龍」，原因係中間加左個餡，食落唔會覺得成口糖🥳🥳$28黎講真係好抵食。