影片
更多
2022-11-19
67 浏览
10年前去台灣食過新派素食，姐係唔係扮肉嗰d,係用每日都會食到嘅食材走肉，用香料同心思去做嘅素菜，一樣咁好食。早幾年都有食過呢間嘅其他分店，感歎香港終於都唔係用素食材扮肉，真係超好食，絕對係一大進步！今次試新店，再試返幾年前嘅impossible meat 肉醬意，都係咁impress!!!招牌不可能肉醬意粉呢個我早幾年前食過一直念念不忘，到而家變咗招牌，今次梗係要睇下佢有無保持水準！意粉個汁偏甜同酸，勁開胃，瞬間大量吸入！impossible meat真心似肉碎嘅，意粉好彈牙，份量都仲係好多。比起出面賣打卡嘅cafe, 呢度既打卡able又高性價比！椰菜焗薯黃金磚全日早餐有不可能豬柳，牛油果，薑黃豆腐，照燒雞脾菇，羽衣甘藍沙律，配自製刁草他他醬。黃金磚幾得意，望落以為似薯餅但入面除咗有薯仔，仲有紫洋蔥，煎到勁脆勁香口，點埋有刁萬嘅自製他他醬，好正！呢個有心思分，唔係普通就咁炸薯餅。豆腐勁好食！有薑黃粉，即刻勁吸引！雖然有d碎，但沾到勁多薑黃！平時薑黃好似好苦，但呢個勁好食！有少少咸味，完全唔苦。新派素食永遠都好有新意有心思，學到野，返去研究下點整先，平時都係就咁煎/蒸魚配豆腐。不可能
今次試新店，再試返幾年前嘅impossible meat 肉醬意，都係咁impress!!!
招牌不可能肉醬意粉
呢個我早幾年前食過一直念念不忘，到而家變咗招牌，今次梗係要睇下佢有無保持水準！意粉個汁偏甜同酸，勁開胃，瞬間大量吸入！
impossible meat真心似肉碎嘅，意粉好彈牙，份量都仲係好多。
比起出面賣打卡嘅cafe, 呢度既打卡able又高性價比！椰菜焗薯黃金磚全日早餐
有不可能豬柳，牛油果，薑黃豆腐，照燒雞脾菇，羽衣甘藍沙律，配自製刁草他他醬。
黃金磚幾得意，望落以為似薯餅但入面除咗有薯仔，仲有紫洋蔥，煎到勁脆勁香口，點埋有刁萬嘅自製他他醬，好正！呢個有心思分，唔係普通就咁炸薯餅。
豆腐勁好食！有薑黃粉，即刻勁吸引！雖然有d碎，但沾到勁多薑黃！平時薑黃好似好苦，但呢個勁好食！有少少咸味，完全唔苦。
新派素食永遠都好有新意有心思，學到野，返去研究下點整先，平時都係就咁煎/蒸魚配豆腐。
不可能豬柳薄過平時嗰d, 味道同口感上好似，真係再咸同油d，呢個食唔出唔係肉，幾可亂真。平時d豬柳強食完超口渴，呢個唔會。
伯爵茶咖啡
茶/啡底勁香！想自己整黎飲！個奶都好甜！係咪用茶黎沖啡？超好飲！平時飲啡好多時飲到差不多，再飲多啖條脷好似麻木咗，唔覺得好香咁，但呢杯係飲到最尾都仲啖啖比到你 “佢好好飲，好香”嘅感覺！癲！
香蕉火龍果燕麥奶
飲落好重香蕉味，舒服嘅，火龍果本身無味，貢獻出粉紅粉紫色。唔想飲甜嘅下次可以叫佢少甜。冰有d多，飲得唔夠快嘅話冰溶咗稀釋咗杯野。
檸檬柚子糖霜蛋糕
張相望落蛋糕質感係好moist咁，出到黎完全同張相/比我嘅印象一模一樣！大癲！檸檬同柚子味超match!!好明顯嘅檸檬味，中間透出柚子嘅感覺，可能大家都係柑橘類水果。上面同中間有少少醬(?)，好似以前食嘅夾心蛋糕咁，但完全係圓滿咗個蛋糕！都係檸檬柚子味黎，每啖夾雜住醬同蛋糕，再飲啖啡，人生一大享受！
张贴
