影片
更多
2018-07-03
28913 浏览
因為旺角實在太旺，平日冇需要我都唔會去，只因有明閣及川水療，以前的朗豪酒店我去過多次，原來現在酒店已改名為康得思，成為國際級數，我真是後知後覺！ 幸好今晚朋友搞局，大家齊齊去 The Place 品嚐夏日和風自助餐，我方才醒覺！ 雖然名字改了，但型格依然，新興藝術型的 The Place，空間寛敞，座位舒適，食物擺放得井井有條。 餐廳內的食品果然大部份日式，款式眾多以外，更包括烹調講求技巧、別處比較少見的菜式。 所謂小處見心事，我留意到漬物亦有一個私家角落，各款色彩鮮艷的漬蘿蔔及海帶等，展示如精品一樣，相當吸引！ 冷麵都有兩款，綠茶麵及粉紅色的素麵，我本來只是路過都會被顏色吸引了。 海鮮大阪燒比較少有自助餐做，味道及口感皆豐富，尤其吃到紫菜的鹹香及蛋的滑，心水推薦。 日式沙律正宗，平日到居酒屋必會吃。 唔好話我咁儍在睇平嘢，我只是慢慢來不用急，食應該是一種享受，何況自助餐無限時兼且食物不斷，話雖如此，我好快又轉到最受歡迎的刺身壽司區。 嘩！壽司款式真豐富，傳統新派做法都有，即點即做手卷，確保紫菜唔會腍，即點即切空運刺身，保持溫度，最重要是貨源足，唔使排長龍，真開心今回可
幸好今晚朋友搞局，大家齊齊去 The Place 品嚐夏日和風自助餐，我方才醒覺！
雖然名字改了，但型格依然，新興藝術型的 The Place，空間寛敞，座位舒適，食物擺放得井井有條。
餐廳內的食品果然大部份日式，款式眾多以外，更包括烹調講求技巧、別處比較少見的菜式。
所謂小處見心事，我留意到漬物亦有一個私家角落，各款色彩鮮艷的漬蘿蔔及海帶等，展示如精品一樣，相當吸引！
冷麵都有兩款，綠茶麵及粉紅色的素麵，我本來只是路過都會被顏色吸引了。
海鮮大阪燒
231 浏览
0 赞好
0 留言
海鮮大阪燒比較少有自助餐做，味道及口感皆豐富，尤其吃到紫菜的鹹香及蛋的滑，心水推薦。
日式沙律正宗，平日到居酒屋必會吃。
唔好話我咁儍在睇平嘢，我只是慢慢來不用急，食應該是一種享受，何況自助餐無限時兼且食物不斷，話雖如此，我好快又轉到最受歡迎的刺身壽司區。
嘩！壽司款式真豐富，傳統新派做法都有，即點即做手卷，確保紫菜唔會腍，即點即切空運刺身，保持溫度，最重要是貨源足，唔使排長龍，真開心今回可以大滿足！
熟食方面我的心水，首選日式麵豉焗半殻帶子，每人每次限取兩隻。
醬汁濃郁，帶子厚肉，亦可以自行加些白芝麻及紫菜，層次更加豐富。
味噌芝士焗龍蝦，至少食兩件，非常惹味，相比一般西式白烚做法滋味得多。
鐵板燒一口和牛煎得香，鬆軟嫩滑。旁邊的麵鼓煮五花腩，見個樣就知道肥美。
串燒雞肉內藏軟骨口感好，醃得非常入味。
天婦羅蝦任取，蔬菜亦好吃。
清酒豆腐牛肉煮、日式咖喱雞、印式海鮮馬莎粒。
生蠔不可以錯過，今晚的是來自加拿大，新鮮甜美。
小龍蝦
土茯苓扁豆燉排骨
96 浏览
0 赞好
0 留言
中式食品中養生燉湯必要嚐，土茯苓扁豆燉排骨，先替腸胃去濕，可以吃得更多。
粉麵可揀清雞湯及日式豚肉湯，配料真多。
玫瑰鼓油雞、上湯龍蝦鉗、日式三文魚炒飯皆值得一試。
西式麵包芝士皆有水準。還有其他各式各樣。
又靚又多的糕點琳琅滿目，第二個胃真要出動。
蜜瓜忌廉蛋糕
82 浏览
0 赞好
0 留言
首推這個蜜瓜忌廉蛋糕，賣相已經100分！
沿用北海道忌廉，輕盈香滑，蜜瓜味香，在外面買一件瘋魔的堂島卷需$40，在這裏可以任吃無憂，回本極快，不過呢件蛋糕相當受歡迎，可能是唯一要先取備貨的甜品。
亦都唔需要擔心單一，旁邊仲有士多啤梨忌廉、柚子蜂蜜、北海道忌廉等等。
另一極品是日式疏乎厘班戟，即點即做，每次需時四分鐘。
可以糖漿、忌廉、果醬等調味，但本身極之鬆化香軟有蛋香，略微調味已經足夠，我前後吃了三件！
日式牛奶布甸有幾款，焙茶、炭燒咖啡等各有特色。
又靚又多的糕點琳琅滿目，第二個胃真要出動。
食完自助餐記得許個心願，希望長食長有，心想事成啦！
自助餐正價平日成人每位$618，但各大渠道例如信用卡、OpenRice 等均能取得優惠，75折之後便是$525/位。
题外话/补充资料：
於七月三十日前，還可以參加攝影比賽，只要跟背景拍張相片，加上 ＃CordisHK ＃ThePlaceHK ，然後發佈到 Instagram，有機會獲贈 The Place 二人自助餐餐劵一張。
「夏 • 日和風自助餐」 星期日至四：成人 HK$618 ／ 小童及長者 HK$438 星期五、六及公眾假期前夕：成人 HK$658 ／ 小童及長者 HK$478
(以上食记乃用户个人意见 , 并不代表OpenRice之观点。)
张贴
