禮記 (已結業)

將軍澳澳南開左唔少新餐廳，行完donki 經過依間中菜有點心食，決定去飲個靚茶先返屋企。餐廳裝修時尚新穎，環境舒適，仲有唔少卡位坐。餐具別緻，每隻茶杯都有唔同花紋，好靚！叫左比較特別玫瑰荔枝茶，味道清香紅菜頭松露野菌餃外皮用咗紅菜頭做皮，食落皮薄唔黏口，餡料都幾豐富，有唔同種類嘅菇菌，而且有好香黑松露味，好特別！香滑食拉布腸粉腸粉皮晶瑩透薄，食落好滑，點埋麻醬、甜醬，好街道小食既感覺。牛油果炸蝦角蝦角香脆，餡料豐富，有2隻大蝦，爽口彈牙，牛油果可以中和油膩感，點埋沙律醬，食多隻都唔覺漏。京滬灌湯小籠包小籠包有三隻唔同顏色，都係用左唔同材料做皮。肉餡唔太肥，好多湯汁，好味！小貓咪好可愛既貓樣，入面其實係奶黃餡，食落唔係好甜，個包蒸得剛好，好乾爽，而且都幾厚實，好有飽肚感。整體黎講，餐廳環境舒適，食物精緻，好岩家庭聚會黎食！