甘牌燒鵝

营业中

休息中

老一輩的食家，都知道鏞記燒鵝與其他燒鵝不同之處是他們是「濕」食的，可惜天下無不散之宴席，「甘」家亦分家，「甘」牌燒鵝是走較「親民」的路線，幾十塊錢有交易，今日刻意去試菜，下午未夠１點，門外已有好多人等外買及入座，雖然1個人，但原來都等咗20分鐘才有位。入座時發覺地方不大，約有30多個位，不算寬趟，不知是否試業關係，有幾個女侍應，但只有一個男的才可以落單，打開餐牌，發覺午飯主打是一人套餐，$68元起，包一杯熱飲，双拼飯加小食加飲品，已經要$72起，在灣仔來說，絕不平宜，因個人喜歡吃麵，便叫了一個太子撈麵，配义燒和例湯。先來的是一碗例湯，感覺足料，比出面的味精湯好得多，隨後便上撈麵，叉燒和大地魚湯，感覺上份量較小，叉燒得幾片，不過肥瘦適中，食落噥的地方，有香味，不錯，跟着食一啖撈麵，，有鵝油味和鹹味，相信是他們的鵝油撈麵，尤於有鵝油關係，蓋過麵的皂水味，所以很快就食完一碟麵。最後，當然是試埋碗湯，一般粗料的就是靠落「師傅」，但這裹是看得用大地魚乾來煲的，渴完唔會口渴。有機會，下次就要試佢的燒鵝，不過唔想等位同埋平ｄ，都係叫外買，單拼飯$45，双拼飯$50。