阿閒泰 (世貿中心)

营业中

休息中

銅鑼灣嘅世貿中心已經翻新咗一段時間，今次同朋友試吓4樓嘅泰國菜阿閒泰，餐廳位於銅鑼灣世貿中心4樓，由港鐵銅鑼灣站D4出口，行4分鐘就到，非常咁方便一上到4樓，就見到佢哋嘅招牌大兔仔，好易認餐廳夠闊落，坐得舒服前菜有得選擇，今次點咗香蔥蒜蓉焗包條，焗得金黃香脆，如果有埋餐湯就更好冬陰功虎蝦意大利麵，海鮮足料，醬汁滲入晒每條意大利麵，非常入味，雖然係冬陰功，但係唔係勁辣，唔太食得辣嘅朋友都可以放膽嘗試青咖喱雞扒焗茉莉香飯，一上枱就聞到香噴噴嘅咖喱味，雞扒夠嫩滑，辣味恰到好處泰式生蝦刺身，每次食泰國嘢一定會食，今次都唔例外，醬汁夠辣，入口果下刺激感覺好正泰式咖喱配薄餅，泰式嘅薄餅又係一定要食嘅嘢，焗得香脆嘅薄餅，再點咖喱汁，絕對係必食之選蜂蜜鮮奶咖啡，平常大家飲咖啡都係落糖，今次呢杯落咗蜂蜜，嗰種甜味好特別，絕對值得一試奶茶配自家奶茶雪條凍，自家出品，先將熱奶倒入杯中，等雪條慢慢溶化，再加入茶，咁就可以慢慢享用阿閒泰嘅特色自家奶茶