萬鎔少館 (已結業)

經由優惠訂購平台選購「萬鎔少館」120分鐘-澳洲龍蝦盛宴x海鮮新派片皮鴨放題優惠價:$298/位茶芥及另收加一$59/位每人總消費:$357/位對於我嚟講，並唔係食咗好多次放題嘅經驗，三百幾蚊一位可能係屬於正常嘅價位，但係間餐廳無論裝修，格局，食物，都令我十分無奈，場地比較昏暗，衛生環境有點兒惡劣，講返重點，喺食物方面待應會分派一些限人頭嘅食物每人有半隻龍蝦->正常食得出新鮮彈牙✅另外有一份頂級鮮蟹肉燕窩羹或者滋補鮑魚花膠雞湯當晚我係享用蟹肉燕窩羹，但我冇影到，因為我根本唔知 我飲緊果碗蛋花羹，就係所謂嘅頂級鮮蟹肉燕窩羹除此之外，原來個餐仲有碗海王龍蝦湯泡飯，但我印象佢嘅泡飯只係碗節瓜粒龍蝦碎湯飯😅最後，自助嘅食物 真係無話可說 大家睇相就明真係對間餐廳好失望 但不得不提大部份待應都好有禮貌，好幫忙，連廚房部門都經常走出嚟幫手，將啲食物拎返入去叮熱。