貓抓烤肉

营业中

休息中

旺角新開燒肉店當然要約埋朋友一齊去食。去到餐廳已經見到好多人排隊，攞咗飛耐心等候。店內有好多貓公仔, 非常可愛，而菜式之中你會見到貓咪掌印，貓咪label，喜歡貓的人一定特別喜愛🐱烤肉中我選了全明星拼盤，入面有七款餐廳推介食品：炭燒梅花肉，雪花牛肉，秘製牛五花，滕椒雞腿肉，現拌牛肉，滕椒牛舌及蒜香五花肉。每款燒烤各有特色，我自己比較喜歡滕椒雞腿及牛舌，非常惹味，又有辣椒香👍必點的貓抓泡椒肥牛，用上百年歷史傳承之醃製工藝，牛肉鮮嫩，滿滿泡椒及麻油香味。貓抓洋蔥牛小粒，細細粒牛味香濃，醃製完秘製醬汁更香更濃。貓抓烤茄子🍆，香蒜及特色醬汁燒烤，非常惹味。貓草茶，解辣又清新，仲有椰果粒，必點之一。甜品由貓抓焦糖布丁，黑喵雪花冰，每款都有貓咪掌印。焦糖布甸，非常滑溜，仲有蛋香。雪花冰🧊有濃濃的椰子味，仲配上Oreo 餅，大人小朋友見到都開心。價錢非常合理，環境座位非常舒適，性價比高。不過暫時冇訂位服務，只可以walk in。