影片
更多
2017-05-19
2897 浏览
識我既朋友都知，打邊爐既gathering就唔洗預我喇！可能因為食過太多劣食既火鍋，啲丸同食材都唔夠新鮮，同埋好驚啲湯底好油，所以已經年幾冇打過邊爐今次，媽咪話想打邊爐喎，廿四孝既我當然會陪佢啦，結果千挑萬選揀左呢間新開既火鍋黎食！有驚喜喎！一坐邊就有蕎麥茶飲，好健康！而且見到茶壺入面好足料，唔會得果少少味，飲落好濃味幾舒服。同媽咪兩個人，坐張枱勁大張，原來呢到係一邊打邊爐，另一邊可以燒埋野食，本身以為呢到得打邊爐。我同媽咪都係選擇困難症之人，所以見到個餐牌要逐款點真係頭痕，好彩有以人頭計既set，包左三個大拼盤同飲品，我同媽咪一於試呢個唔洗煩！打邊爐都有前菜花螺仔幾爽口，仲有杞子，感覺幾補不過有兩三隻有沙！木耳辣得過癮，又有啲蔴油香。滋補花膠竹絲雞煲餐提供左四款煲可以揀，選擇量不多但都幾廣，有雞有魚，而我地就揀左最滋補既竹絲雞，因為媽咪見到花膠已經心心眼，哈哈！好快店員就拎左個雞煲黎，二人有半隻雞，當然唔太大隻雞但店員幫我地剪開左唔少件數，食落都唔少肉！平時係屋企飲湯都食哂d湯渣，呢個鍋都係有好多渣好足料！！花膠有兩三件，好爽口，比哂媽咪食龍眼肉勁多粒，起碼有廿幾蚊！！仲有紅棗粒同淮
一坐邊就有蕎麥茶飲，好健康！而且見到茶壺入面好足料，唔會得果少少味，飲落好濃味幾舒服。同媽咪兩個人，坐張枱勁大張，原來呢到係一邊打邊爐，另一邊可以燒埋野食，本身以為呢到得打邊爐。
我同媽咪都係選擇困難症之人，所以見到個餐牌要逐款點真係頭痕，好彩有以人頭計既set，包左三個大拼盤同飲品，我同媽咪一於試呢個唔洗煩！
打邊爐都有前菜
花螺仔幾爽口，仲有杞子，感覺幾補不過有兩三隻有沙！木耳辣得過癮，又有啲蔴油香。
滋補花膠竹絲雞煲
餐提供左四款煲可以揀，選擇量不多但都幾廣，有雞有魚，而我地就揀左最滋補既竹絲雞，因為媽咪見到花膠已經心心眼，哈哈！
好快店員就拎左個雞煲黎，二人有半隻雞，當然唔太大隻雞但店員幫我地剪開左唔少件數，食落都唔少肉！
平時係屋企飲湯都食哂d湯渣，呢個鍋都係有好多渣好足料！！花膠有兩三件，好爽口，比哂媽咪食
龍眼肉勁多粒，起碼有廿幾蚊！！仲有紅棗粒同淮山等湯料，我一啲都冇淨咁食哂佢！本身以為得雞..點知有咁多配料！！
巧得盤
首先個盤都好吸晴好有古石化時代既感覺呢個盤有齊火鍋要既丸同海鮮，海鮮有貝、青口同蠔，雖然每人得一隻但size夠大隻。丸有蝦丸、墨魚丸，仲有大隻雲吞等等。
生蠔煮完之後都係大隻，咬落幾鮮甜，呢個開場唔錯喎至於青口媽咪就淥我就用個燒爐爐佢～同埋都夠新鮮，又唔會有雪藏味
本身對丸最冇興趣，但媽咪試左個蝦丸話好好食，所以我就試粒啦，點知真係超級爽同彈喎!!!!一改我平時覺得丸係得個粉字既概念lor!!!睇返餐牌先知呢到啲丸係師傳自己打，究竟加左啲咩先可以咁彈牙
另一驚喜係佢個雲吞，本身諗住係普通雲吞，食落竟然係牛肉喎！本身我同媽咪都唔好食牛，但牛肉出人意表既甜，同埋唔會加左好多其他料，好似食緊純牛肉咁，幾特別喎至於另一款牛肝菌羊肉作餡，我就覺得羶左d喇所以牛肉會正d!
刺身盤
見食評好多人都揀左牛肉拼盤，都合理既～打邊爐好多人都最愛牛，不過偏偏我同媽媽都唔好牛肉，所以可以揀刺身拼盤就岩哂我地。
始終黎呢到打邊爐為主，對於刺身都唔會抱太大期望... 一上黎估唔到放得幾靚仔，好似平時出面食放題咁
即刻試下最愛既三文魚先，有四片，每片都勁厚身！魚紋清晰，鮮橙魚身反映魚生既新鮮度，咬落微微彈性之餘鮮甜，有放題既質素喎！！最滿意都係三文魚章魚片都唔錯不過有啲薄身，同三文魚差得遠其他魚生都新鮮肥美，較淡口。見餐牌有中同大既刺身盤，問下店員，佢話跟餐就係中既size，所以如果以價錢計，叫牛就抵d!
跟餐有兩杯飲品或者甜品
我就揀左飲品，揀特飲都得，唔洗加錢，明碼實價，唔錯
打邊爐咁熱飲返杯沙冰就岩，不過呢到得一款沙冰揀，係熱情果。
相當大杯，見到廚房即刻整，果然好新鮮鮮味同甜度都岩岩好，texture都好豐富，唔會飲飲溶左變好淡咁！大家都可以試下呢個
今次打邊爐難得令我滿意食材有新意亦新鮮！！有質素
张贴
