影片
更多
2021-06-06
20 浏览
一聽銅鑼灣耀華街，最熟悉就係酒吧，冇諗過原來喺酒吧入面都可以食到新派嘅潮州菜，餐廳仲係由米芝蓮名廚主理！👭🏻二人精選套餐，每位228🥣明爐老火湯竹絲雞老火湯，個湯好清，因為已經隔晒d雞油，又無味精，飲得好舒服😋🥕酸脆蘿蔔好少食呢d醃製食品，但係呢個蘿蔔真係好爽脆，食飯前或者餸與餸之間食一舊，開胃又可以清吓口腔，預備去食下一道菜！🍤脆炸拼盤配黑松露醬有炸蝦，芒果卷，炸薯條！薯條有黑松露，每樣都炸得好香脆，配搭自家製黑松露醬，正正子😋🥃威士忌酒香鵝肝第一次食新鮮鵝肝，平時食鵝肝都係食雪藏鵝肝，原來新鮮鵝肝係咁好食，首先用煙燻去燻d 威士忌，喺食之前用威士忌淋面，再等佢吸收吓，可以減低鵝肝嘅油膩感。新鮮鵝肝好肥美，唔用煎嘅方法可以避免迫啲鵝油出嚟從而去除油膩感，食多幾件都唔怕滯。呢個鵝肝真係令我好驚喜，好好味呀...............！！！🍽金牌滷水獅頭鵝肉叫得金牌滷水，果然係金牌！滷水好香，唔會過咸或者過甜！有鵝片同埋鵝肉，肉質嫩滑，一d都唔鞋，鵝肉亦都係肥瘦適中，配搭佢哋嘅自家滷水一流👍🏻 豆腐亦都吸收晒鵝汁同滷水嘅精華，雖然係配角，但喺呢一道菜裡面，都成為咗第三主角！🍴潮式炒米粉
👭🏻二人精選套餐，每位228
🥣明爐老火湯
竹絲雞老火湯，個湯好清，因為已經隔晒d雞油，又無味精，飲得好舒服😋
🥕酸脆蘿蔔
好少食呢d醃製食品，但係呢個蘿蔔真係好爽脆，食飯前或者餸與餸之間食一舊，開胃又可以清吓口腔，預備去食下一道菜！
🍤脆炸拼盤配黑松露醬
有炸蝦，芒果卷，炸薯條！薯條有黑松露，每樣都炸得好香脆，配搭自家製黑松露醬，正正子😋
🥃威士忌酒香鵝肝
第一次食新鮮鵝肝，平時食鵝肝都係食雪藏鵝肝，原來新鮮鵝肝係咁好食，首先用煙燻去燻d 威士忌，喺食之前用威士忌淋面，再等佢吸收吓，可以減低鵝肝嘅油膩感。新鮮鵝肝好肥美，唔用煎嘅方法可以避免迫啲鵝油出嚟從而去除油膩感，食多幾件都唔怕滯。呢個鵝肝真係令我好驚喜，好好味呀...............！！！
🍽金牌滷水獅頭鵝肉
叫得金牌滷水，果然係金牌！滷水好香，唔會過咸或者過甜！有鵝片同埋鵝肉，肉質嫩滑，一d都唔鞋，鵝肉亦都係肥瘦適中，配搭佢哋嘅自家滷水一流👍🏻 豆腐亦都吸收晒鵝汁同滷水嘅精華，雖然係配角，但喺呢一道菜裡面，都成為咗第三主角！
🍴潮式炒米粉
米粉炒得好乾身，好惹味，份量亦都唔少。食完滷水鵝，再食米粉，可以中和返飽滯感！
🥬上湯時蔬
呢個上湯時蔬並唔係普通白烚菜咁簡單，真係用上湯去煮，白菜非常之入味！
🐙招牌白滷水海鮮拼盤 $198 細份
有海蝦，大墨魚，大蟶子同新鮮鮑魚，你以為佢哋就咁清蒸海鮮？咁你就錯啦！係用佢哋自家調製嘅白滷水去煮海鮮，因為白滷水係非常適合配搭海鮮。當然新鮮嘅海鮮亦都係非常之重要，可以同白滷水互相輝映！
初初以為二人餐會唔夠食，但冇諗過佢哋嘅份量係非常之多，好食之餘亦都飽到上頭頂！估唔到喺酒吧入面都可以食到咁驚喜嘅潮州菜。員工亦都非常之Nice，勤力之餘仲會每道菜簡單介紹！
张贴
