泰巷 (已結業)

今晚我們去咗荃新天地嘅「泰巷」食晚飯！我們叫咗泰皇香葉炒飯伴淡咖喱芝士焗龍蝦、火車頭原個菠蘿芝士焗海鮮飯、香辣咖喱海鮮焗農夫包、燒香葉烏頭、泰式露筍煙三文魚忌廉意粉、燒沙嗲串燒配沙嗲醬、Thai冬蔭海鮮湯、泰國椰青、香芒沙冰、蜂蜜千層窩夫伴雪糕同千奇百趣多士伴雪糕！泰皇香葉炒飯伴淡咖喱芝士焗龍蝦啲炒飯炒得好乾身，絕不油膩，同埋有香茅嘅香味！龍蝦亦新鮮彈牙！係本人嘅必食推介！火車頭原個菠蘿芝士焗海鮮飯略嫌份量少咗啲，味道還可以！香辣咖喱海鮮焗農夫包嘅咖喱汁味道非常好，咖喱汁溶入晒個麵包入面，令到我們將整個麵包都食晒！燒香葉烏頭燒得好乾身，他們放咗啲香茅夾埋薑同烏頭一齊燒，令到烏頭有好濃嘅香茅味同唔會有魚腥味！蜂蜜千層窩夫伴雪糕嘅窩夫非常鬆軟，雪糕唔會太甜！千奇百趣多士伴雪糕嘅多士非常香脆，多士唔韌同唔會太甜！他們嘅甜品唔會太甜，甜度洽到好處！本人非常喜歡！