奈良上釜 (已結業)

登龍街出名多新野食，奈良上釜亦剛剛進駐其內。店舖主打正宗傳統日式鍋飯，大鄉里出城，我都係第一次試，其實可以話同香港既煲仔飯有點類似。.釜飯係用高湯係鍋裡蒸煮米飯而成，師博要好有心機煮，因為同瓦煲原理一樣，如果太大火會好易overcook🙃🙂.相中係佢哋生招牌 - 奈良七盛釜飯。食材有：蟹肉、蝦、鮑魚、三文魚籽、冬菇、白木菇同三葉。材料都算名貴，而且份量唔少，鍋底亦都會有飯焦，脆卜卜，正！食完之後會見感覺熱辣辣、暖笠笠！