花椒子 (已結業)

冬天咁凍日日都想打邊爐，今日經過旺角見到呢間花椒子都有d人排緊隊，人排我排嘅心態覺得一定有番咁質素，所以就決定要食呢間喇（重點係好近地鐵站，真係超方便！）雖然鋪頭主打魚頭鍋，不過個人就唔太食魚頭，所以就就咁打邊爐就算喇，湯底方面選擇都唔少，有辣有唔辣，今次我哋就少咗個麻辣鴨血湯鍋，超惹味呀！非常推薦手切牛小排，就算叫細份份量都唔少，夠晒兩個人食，好重牛味，油脂分佈好好，唔係一食就爛嘅嗰種平價牛。另外呢個海鮮拼盤都好抵食，二百幾蚊有齊晒鮑魚、魚片、蝦、凡立貝、珊瑚蚌、廣島蠔、魷魚…岩曬我呢d咩都試少少嘅人！所以蔬菜都係叫拼盤，有蓮藕、薯仔片、西洋菜、生菜、粟米….最特別係有芋頭🤣之前都未試過用芋頭打邊爐，估唔到又幾夾！基本上野食都好高質，性價比都好高，如果多幾個朋友嚟share個湯底就仲抵食！