心裡有素 (已結業)

無「素」不歡嘅我，見到市場多咗好多新派素食店嘅餐廳。今晚就揀咗位於旺角嘅心裡有素食自助餐，點解？因為食材高質有保証，仲有獨家烹調配方，不含五辛；店主還會每晚親自去派飯，絕對值得支持。✦ 炸鮮奶堅持每日用新鮮油嚟炸物，食物不單有「黃金」賣相，外層脆漿鬆化，入面的鮮奶嫩滑，必食推介。✦ 澳洲黑蜜糖UAF350+去皮蕃茄不計成本嘅冷盤前菜，細心為蕃茄去皮，方便客人進食。✦ 千島醬蕃茄炒蛋用千島醬代替蕃茄醬，令味道層次更豐富，意想不到地能和蕃茄炒蛋成為絕配。✦ 合桃咕嚕肉賣相同真嘅咕嚕肉完全沒分別，但入面係整粒合桃肉，一定只得此店先食到。✦ 黑松露炒麵未食已聞到黑松露嘅香，食落更有驚喜。✦ 澳洲牛油果又一不計成本之作，牛油果新鮮。加埋玫瑰岩鹽同黑椒，令牛油果的味道更好食。獨家設計嘅新派菜式，多到不能盡錄：沙律，前菜，湯，主菜，粥粉麵飯，糖水樣樣齊。飲品方面，熱飲有各款特色茶包，凍飲就有羅漢果水，黑蜜糖薏米檸檬水，同桑堪紅棗水等；和食物一樣，選擇多而出色。素食店有很多，但做得出色而又能貢獻社會，你又會諗起邊一間？而我，就一定係呢間新派素食店-心𥚃有素。